Na ni nani asemaye kauli bora zaidi kuliko aitaye (viumbe) kwa Mwenyezi Mungu na (mwenyewe) akatenda mema. Na akasema: “Hakika mimi ni katika Waislamu?&rduo;
[Fussilat, 41:33]
Jukumu Letu ni chama cha ufadhili, kilofunguliwa hususan kuwasaidia vijana mayatima wa kiislaamu walioko Mombasa, ambao ni:
- Wahitaji
- walio na juhudi ya kusoma
- waliohitimu na kufaulu shule ya msingi
- wenye kutafuta kwenda shule ya sekondari
- wenye juhudi ya kufuata ilimu ya Dini vile vile kama ya dunia.
Kilivyoanza Chama
Katika kuifahamu hali ya Mombasa, baadhi ya ndugu zetu waligutushwa kwa idadi ya vijana wanaoacha kusoma. Wengi wao wakiwa ni mayatima, wasiokuwa na uwezo wa kifedha , na wasiokuwa na usaidizi wa kihisia kuwahudumisha katika masomo yao na maisha yao. Idadi kubwa ya vijana hawa, huwa ni waislamu waliobarakiwa na ufahamu mzuri na pia mara nyingi ni : waerevu kimasomo, wenye bidii , na wana juhudi(inshaAllah) itakayo wawezesha wa faulu katika maisha yao , na kuwawezesha wapate miradi ya hali ya juu, lakini inasikitisha kuona uwezo wakufuata miradi hayo na kufikia malengo yao : hawana!
Dokezo Letu
Kama kutapatikana watu wachache , wajitolee kwa sababu ya Allah ; kuchanga $10 (~£5) kwa mwezi : yatima mmoja katika Jiji la Mombasa anaweza kupata usaidizi wa ilimu, ambao unaewza kuwa sababu ya kuja akawa mtu muadilifu na muaminifu katika Ummah wetu . Mchango huu ambao unaonekana kwa wengi wetu kuwa ni kidogo, ni mkubwa sana mjini Mombasa. Na InshaAllah huenda , ukafika mbali kwa wakati na kuleta athari njema.
Tumaini Letu
Kurahisisha njia za kuwaelimisha vijana wa kiislamu. Kuungana pamoja kufundishana na kusambaza mafundisho matakatifu ya kiisalamu kulingana na:
- uongozi wa maneno ya Allaah ; ambayo ni Qur’aan takatifu,
- maneno na mila (manhaj) ya Mtume (sallahAllahu alayhi wasallam); Sunnah
- kufuata Qur’aan na Sunnah kupitia ufahamu wa as-Salafus saalih wa Ummaah
- Kujitenga na kujiweka Mbali na Uhizbiyyah (kutengeneza vipote kando,visivyofuata mfumo wa maswahaba) , ghuluww (ulokole), bid’ah na ufuasi wa upotofu.
Kujitenga na kujiweka Mbali na Uhizbiyyah (kutengeneza vipote kando,visivyofuata mfumo wa maswahaba) , ghuluww (ulokole), bid’ah na ufuasi wa upotofu.
